ព្យុះភ្លៀងមួយមេបំផ្លាញផ្ទះសម្បែងនិងសម្លាប់មនុស្ស ២ នាក់
ពីរនាក់ម្ដាយនិងកូនស្រីបានស្លាប់ និងកូនប្រុសអាយុ ៣ឆ្នាំ ម្នាក់រងរបួសដោយសារព្យុះភ្លៀងកាលពីល្ងាចថ្ងៃអង្គារ បានកួចផ្ទះឡើងទៅលើ ហើយធ្លាក់សង្កត់ពួកគេ។ នេះបើតាមការអះអាងរបស់ក្រុមគ្រួសារជនរងគ្រោះកាលពីព្រឹកម្សិលមិញ។ ជាមួយសម្រែកយំរបស់ទារិកាអាយុ ៦ខែ ដែលម្ដាយបានស្លាប់ចោលទាំងនៅមិនទាន់ដឹងក្ដី លោក ម៉ូត សាលី អាយុ ៣០ឆ្នាំ ត្រូវជាប្ដីស្ត្រីរងគ្រោះ ហ៊ីម ភីហ្គៈ អាយុ ២៩ឆ្នាំ និងជាឪពុករបស់កុមារីវ័យ ៥ឆ្នាំ ឈ្មោះ សាលី ម៉ៃយាន បានរៀបរាប់ប្រាប់ ភ្នំពេញ ប៉ុស្តិ៍ ថា នៅពេលមេឃងងឹតរកកលចង់ភ្លៀង គាត់កំពុងរៀបចំអីវ៉ាន់លើផ្ទះឯប្រពន្ធរបស់គាត់ កំពុងបំបៅកូនស្រី ៦ខែ នៅក្រោមផ្ទះ ជាមួយម្ដាយក្មេកនិងកូនៗពីរនាក់ទៀត។ ប៉ុន្មាននាទីបន្ទាប់មកមេឃក៏ចាប់ផ្ដើមភ្លៀងហើយមានខ្យល់កួចមកយ៉ាងខ្លាំងកួចផ្ទះរបស់គាត់ឡើងទៅលើ ហើយធ្លាក់សង្កត់ប្រពន្ធនិងកូនៗរបស់គាត់តែម្ដង។ …
ឃុត សុភចរិយា
http://www.postkhmer.com/national/2011-01-03-04-07-05/114666-2014-05-22-01-53-22
